Vllaznia bind Shtubinën, eksperti në shtëpi
Ndriçim Shtubina është i Vllaznisë. Pas largimit nga Laçi, ndërsa mesfushori sulmues u aktvizua për dy edicione, Shtubina polivalent ka gjetur akordin për të nënshkruar me drejtuesit e Vllaznisë së Shkodrës.
Në fakt, rezulton një kthim i dytë në shtëpi. Ndriçim Shtubia, pasi shkëlqeu në hapat e parë të karrieres te Ada dhe me pas te Vllaznia, veshi disa fanela të ndryshme si atë të Flamurtarit, Kukësit dhe së fundi të Laçit, me të cilin sezonin e kaluar shënoi 10 gola.
Pritet që mesfushori 32-vjeçar Ndriçim Shtubina, t’i bashkohet skuadrës së teknikut Mirsad Jonuz, e cila sipas planeve nesër do të shtegojë drejt Ohrit, për të kryer një mini-cikël stërvitor në vendin fqinj.