Efekti Kros, Zhiru: Tërhiqem nga Kombëtarja
Pas deklaratës së Toni Kros se pas finaleve ‘Gjermani 2024’ do të varë ‘këpucët në goxhdë’, një tjetër futbollist i nivelit të lartë botëror, deklaron tërheqjen nga kombëtarja e tij.
Bëhët fjalë për sulmuesin francez Olivier Zhiru (kampion bote në 2018), teksa pasi njoftoi lamtumirën me Milanin (do të shkojë në MLS), deklaron se i jep lamtumirën edhe kombëtares franceze:
“Kampionati Europian do të jetë kompeticioni im i fundit me Francën. Duhet t’u lëmë vend të rinjve. Mendoj se karrierën mund të luaj edhe dy vite të tjera të mira, por i them mjaft për kombëtaren”, janë fjalët e 37 vjeçarit për Equipe./Sportiim.al/