Bajraktareviç, një “flamurtar” për Haxhiun…
Pasi ka zyrtarizuar në krye të pankinës, trajnerin vlonjat Gerd Haxhiu, drejtuesit e skuadrës së Flamurtarit kanë bërë edhe lëvizjen e pare në merkato.
Ata kanë nënshkruar me mesfushorin Semir Bajraktareviç nga Sarajeva, i cili në katër sezonet e fundit është aktivizuar në futbollin izraelit.
Më herët, 31-vjeçari ka qenë pjesë e skuadrës së Sarajevos në Bosnje-Hercegovinë, ndërkohë që është aktivizuar edhe me Slobodën e Tuzles dhe skuadrës Çelik në vendlindjen e tij.
Mesfushori Bajraktareviç është blerja e pare zyrtare e Flamurtarit, ndërkohë që drejtuesit vlonjatë premtojnë për rinovimet kontratash me disa lojtarë, që ishin pjesë e kuqezinjve sezonin e shkuar.