Bylis, “strehëza” e re e Ditmar Bicajt…
Mbrojtësi i njohur kryeqytetas, me origjinë lezhjane, Ditmar Bicaj, sezonin e ardhshëm do të veshë fanelën e skuadrës ballshiote të Bylisit. Lajmin e bën të ditur vetë klubi mallakastriot nëpërmjet një postimi në faqen e tij në “Facebook”.
“ZYRTARE! Supergoditje e presidencës në merkato. Ditmar Bicaj, mbrojtësi me eksperiencë firmos te BYLISI, pasi ka gjetur akordin me presidentin Besnik Kapllanaj. Bicaj ka një karrierë mjaft të pasur, duke qenë edhe pjesë e ekipit Kombëtar A!”, shkruan klubi ballshiot.
Ditmar Bicaj është një mbrojtës me përvojë në futbollin shqiptar. Ai, pasi ka provuar të veshë fanelat e Tiranës, Dinamos, Partizanit, Vllaznisë, Flamurtarit dhe së fundmi Teutës, sezonin e ri do të kontribuojë për ngjyrat e Bylisit.