Enrike: Ushtruam presion, nuk patëm fat
Zhgënjim, por sportivitet maksimal. Sipas Luis Enrikue trajneri i PSG-së ky takim ishte një mësim i çmuar.
Trajneri spanjoll komentoi humbjen e PSG-së kundër Borusia Dortmundit dhe përfundimin e ëndrrës së tyre në Ligën e Kampionëve:
“Ka një ndjenjë trishtimi. Nëse i shohim dy ndeshjet së bashku, kemi goditur shtyllat gjashtë herë. Futbolli ndonjëherë është i padrejtë, jo ne. Pas 31 goditjeve, futbolli shpërblen ata që shënojnë dhe jo ata që godasin e prodhojnë.
Dallimi midis goditjes së shtyllës dhe shënimit varet nga fati. Ne ishim të pafat, statistikat thonë se duhet të kishim shënuar tre herë. Pa i hequr asnjë meritë Dortmundit, ne ishim shumë të pafat.
Pashë një ekip me shpirt konkurrues. unik, i cili dha gjithçka nga minuta e parë deri në minutën e 90-të”. Kjo frymë është shumë e fortë dhe shpresoj të jetë diçka që zgjat”.
