Gerd Haxhiu, trajneri i ri i Flamurtarit…
Trajneri i njohur vlonjat, ish-futbollist i skuadrës kuqezi, do të jetë trajneri i ri i Flamurtarit për sezonin 2019-2020. Lajmi bëhet i ditur para pak çastesh, nga një postim i klubit vlonjat në faqen e tij zyrtare në rrjetet sociale.
“Zyrtare: Gerd Haxhiu zyrtarisht trajneri i ri i Flamurtari Football Club . Pas eksperiences si lojtar , rikthehet me detyren e trajnerit te pare.Stafit te teknikut vlonjat i bashkohet edhe nje emer i njohur ne futbollin shqiptar dhe ate vlonjat , Dritan Sadedini me detyren e ndihmes trajnerit”, shkruhet në njoftimin e klubit vlonjat të Flamurtarit.
Trajneri vlonjat Haxhiu, zëvendëson në krye të “kuqezinjve” kryeqytetasin Ilir Daja, i cili drejtoi i vlonjatet sezonin e shkuar. Më herët, para viteve ‘2000, Gerdi, së bashku me të jatin, mjeshtrin e njohur Mexhid Haxhiu, kanë drejtuar për pak kohë skuadrën e Flamurtarit.
Bashkëpunëtor dhe ndihmës i Haxhiut, kësaj here do të jetë edhe një emër i njohur i futbollit vlonjat, Dritan Sadedini, pjesë e të ashtuquajturës “plejadë e artë” e Flamurtarit para viteve ’90.
Në vijim, do të ju njohim edhe për detajet e këtij bashkëpunimi të arritur sot paradite midis trajnerit Gerd Haxhiu dhe administratorit të Flamurtarit, Sinan Idirizi, si dhe per zhvillimet ne kampin vlonjat.
