Time/ Mesi fiton 'Sportisti i Vitit'

Lionel Mesi u shpall “Sportisti i Vitit” nga revista Time. Kampioni argjentinas i shton një tjetër trofe prestigjioz listës së tij të pafund të triumfeve, e fundit prej të cilave ishte Topi i Artë i tij i tetë. Mesi është sportisti i pestë që mund të mburret me titullin, i krijuar në vitin 2019 nga revista prestigjioze amerikane e cila ka zgjedhur “personin e vitit” që nga viti 1927.

Në intervistën e publikuar me rastin e dhënies së titullit, Mesi foli edhe për zgjedhjen për t’u transferuar në Majemi pas skadimit të kontratës me PSG-në:

“E vërteta është se fatmirësisht kisha disa opsione interesante në tavolinë dhe më duhej t’i vlerësoja me familjen time, përpara se të merrja vendimin përfundimtar për të ardhur në Majemi. Opsioni im i parë ishte të kthehesha në Barcelonë, por nuk ishte e mundur. U përpoqa të kthehesha, por nuk ndodhi. Kam menduar shumë për të shkuar në ligën saudite, ku e njoh ambientin dhe kanë krijuar një kompeticion shumë të fuqishëm, i cili mund të bëhet një kampionat i madh në të ardhmen e afërt.

Si ambasador i turizmit i Arabisë, ishte një destinacion që më tërhoqi, veçanërisht sepse më pëlqeu gjithçka që vizitova, për mënyrën se si po rritet futbolli në vend dhe për përpjekjet që po bëjnë për të krijuar një konkurrencë të nivelit të lartë”.

Fitues të trofeut dhënë nga ‘Time’ në sport: