Skënderbeu- Vllaznia hap javën e 9-të…
- Tekniku i korçarëve Gvozdenoviç në konferencë shtypi: Vlerësim maksimal për Vllazninë, kërkohet përqëndrim.
Derbi Partizani- Tirana (2-1) luajtur të enjten e 19 tetorit (e prapambetur, java e 6-të) i’a lë vendin xhiros së 9-të Abissnet Superiore e cila do të nisë të shtunën (21 tetor) me sfidën Skënderbeu- Vllaznia në program për t’u luajtur në stadiumin ‘Skënderbeu’ me fillim orën17:00.
Trajneri i bardhekuqëve tha sot në konferencë shtypi se Skënderbeu do të futet në fushë me vlerësim maksimal për Vllazninë dhe se pret karkimin maksimal të të tijëve. Grupi i plotë. Skënderbeut i janë bashkuar Pecani dhe Nikaj të impenjuar me U21 të Alban Bushit.
Java vijon me ndeshjet e ditës së diel (22 tetor) teksa në radhë përballjet Kukësi Laçi me start orën 14:00 dhe Dinamo- Teuta në orën 17:00 në ‘Elbasan Arena’.
Të hënën zhvillohen dy ndeshjet Tirana- Egnatia (14:00) dhe Erzeni- Partizani 17:00 e programuar të luhet me shijakasit pritës në Tufinë në “Arenën e Demave”.
Kampionati pas javës së 8-të kryesohet nga Egnatia me 16 pikë, ndjek Partizani me 14-të pikë (një ndeshje për të luajtur me Teutën) dhe Laçi e Tirana me nga 13 të tilla.
Ndeshjet:
E shtunë 21 tetor:
Skënderbeu- Vllaznia 17:00
E diel 22 tetor:
Kukësi- Laçi 14:00
Dinamo City-Teuta (në Elbasan) 17:00
E hënë 23 tetor:
Tirana- Egnatia 14:00
Erzeni- Partizani (“Arena e Demave” në Tiranë) 17:00/Sportiim.al/
