Dinamo- Vllaznia pa fitues, nesër mbyll Tirana-Laçi
Abissnet Superiore:
Dinamo – Vllaznia 1-1 (Bardhi 84’/ Balaj 51′ pen)
Tjetër rezultat pa vlerën e tri pikëve për Dinamon dhe Vllazninë në këtë javë të shtatë Abissnet Superiore. Në sfidën e luajtur në “Elbasan Arena” takimi u përshkrua nga faza në nivelin mesatar dhe në fund dy skuadrat me 27 trofe (Dinamo 18 dhe Vllaznia 9) ndanë pikët.
Fraksioni i parë i sfidës u mbyll pa gola me skuadrat që u treguan të kujdesshme e me miqtë që provuan më shumë. Me nisjen e së dytës panorama e këtij takimi do të ndryshojë.
Një ndërhyrje e gabuar e Rexhepit ndaj Ildi Grudës i dhuron një penallti Bekim Balajt që do ta shndërrojë atë në gol për avantazhin e kuqebluve.
Do të administrojnë mirë shkodranët deri pak minuta nga përfundimi i takimit, por Bardhi ka rezervuar diçka pikërisht për në fund duke realizuar golin e barazimit e duke siguruar 1 pikë për kryqytetasit, të cilët e mbyllën me 1 lojtar më pak pas daljes me të kuq të Zabërgjës.
Tre skuadra me pikë të barabarta në fund të tabelës, mes tyre dhe Dinamo që mbetet te zona e kuqe ndërsa Vllaznia ngjitet e katërta.
Nesër në program sfida e fundit, Tirana – Laçi në 14:00. Foto: Fatmir Popja; Përgatiti Sara Gjidiaj-Sportiim.al/