Zekiç: Pauza e dobishme, Vllaznia skuadër agresive

Takimi kryesor i javës së 3-të të Abissnet Superiore, ai midis Vllaznisë dhe Partizanit do të zhvillohet të ejten në ‘Loro Boriçi’ (18:00).

Para kësaj sfide, trajneri i të kuqve Zoran Zekiç, ndër të tjera tha për mediat se Partizani i tij është përgatitur mirë dhe se pauza për ndeshjet e Kombëtares i ka dhënë mundësi disa futbollistëve të lënë pas lëndimet.

 “Shpresoj që gjendja të jetë e mirë se kemi pushuar pak, kemi kthyer disa lojtarë në nivel më të mirë. Por e kam thënë si gjithmonë që duhet të luajmë nesër si skuadër, kompakt, me disiplinë dhe cilësi. Pasi të mbyllim analizën për ndeshjen ndaj Vllaznisë, do të mundohemi të jemi nesër në një nivel të mire”.

Më tej, ai ka analizuar edhe skuadrën kundërshtare të së enjtes.

 “Nuk janë vetëm 2 ndeshje se kanë luajtur dhe në Europe. Mund të kuptoj diçka edhe prej tyre, njohim cilësitë individuale dhe çfarë është më e mira dhe dobësitë. Shpresoj që t’i përdorim nesër. Gjithashtu, kam parë të gjithë ndeshjet e vitit të kaluar me Vllazninë dhe sa probleme ka pasur Partizani me te dhe shpresojmë që nesër të mos ketë të tilla.

Vllaznia është skuadër agresive, një kundërshtar i mirë, ka 3-4 lojtarë shumë të shpejtë nëse flasim për emra. Ata kanë lojtarë të fortë me topin edhe pa topin, por duhet të mendojmë për veten dhe të luajmë sa më mirë të mundimi nesër. Ata luajnë në shtëpi me shumë mbështetje tifozësh, e di që ata do të jene me 120% dhe ne duhet të përgatitur për atë”.