Starton Kategoria e Parë, kalendari dhe formula e re…
Këtë të shtunë do të startojë edhe Kategoria e Parë për edicionin futbollistik 2023/2024.
Në këtë edicion të ri që starton nesër 2 shtator teksa është planifikuar të mbyllet më 8 maj 2024 do të marrin pjesë 12 skuadra që do të garojnë në tre faza dhe do të luhen në total 33 javë.
Në kampionatin e ‘Kategorisë së Parë’ do të marrin pjesë këto skuadra: KF Bylis, KS Kastrioti, Flamurtari FC, FK Tomori, KS Korabi, FK Apolonia, KF Luz i Vogël 2008, FC Besa, FC Lushnja, KF Burreli, FK Vora, AF Elbasani.
Do të luhet me sistem vajtje-ardhje 2 fazat e para, ndërsa ndeshjet e fazës së tretë do të zhvillohen sipas skemës së përcaktuar nga Departamenti i Garave në FSHF.
Pas përfundimit të 3 fazave, skuadrat e renditura në vendin e parë dhe të dytë ngjiten automatikisht në kategorinë “Abissnet Superiore”, ndërsa e renditura nga vendi 3-të deri në vendin e 6-të do të jenë pjesë e fazës play-off për të përcaktuar skuadrën që do të luajë me skuadrën e renditur në vendin e tetë në Abissnet Superiore.
Në fund të sezonit rrëzohen 2 skuadrat e fundit ndërsa vendi i 9 dhe 10-të i nënshtrohen fazës play out me të dytat e Kategorisë së Dytë. Formati i edicionit 2024/2025 do të jetë me 12 skuadra.
Java e parë e kampionatit “Kategoria e Parë”, 2-3 shtator 2023:
Të shtunën:
15:00
Vora – Besa
16:00
Luzi 2008 – Flamurtari
Bylis – Burreli
Tomori –Korabi
Të dielën
16:00
Kastrioti – AF Elbasani (në Fushë-Krujë)
Lushnja- Apolonia (në Elbasan Arena)/Sportiim.al/
