Partizani humb në lojë, Astana e ndëshkon me një gol
Kazakët dominiojnë totalisht ndaj skuadrës së Zekiç, kualifikimi tani vihet shumë në pikëpyetje.
Conference League, play-off:
Astana – Partizani 1-0 (Lançar 41′)
Faza “play-off” për Partizanin ka nisur me humbje ne transfertën kazake përballë Astanës. Të kuqtë u mposhtën minimalisht 1-0 në “Astana Arena” në këtë sfidë të parë të këtij raundi.
Ishin vendasit dukshëm më dominues e më këmbëngulës duke krijuar raste më të shumta e më të pastra shënimi. Të gjitha këto u finalizuan me golin e Lançar në minutën e 41′-të që ishte dhe vula e këtij takimi.
Shumë pak rrezik i krijuar nga ekipi i Zekiç me ato pak mundësi që nuk u konkretizuan me gol. Kampionët e Shqipërisë pësuan dhe gjatë fraksionit të dytë dy herë të tjera por festa e vendasve u mohua për shkak të pozicioneve jasht loje.
Kështu, në kthim ekipi kryeqytetas do ta ketë malore por llogaritë mbeten ende të hapura. Për t’u vendosur javën e ardhshme nëse Partizani do të rrëmbejë një biletë që e dërgon në grupet e Ligës së Konferencës.
/Sara Gjidiaj/