I nënshtrohej testeve antidoping, Mbapenë e lë “avioni”
Dje ishte një mbrëmje për t’u harruar për PSG-në. Të mposhtur – edhe pse ngushtë 1-0 nga Borusia Dortmund në ndeshjen e parë gjysmëfinale të Ligës së Kampionëve parisienët u rikthyen në aeroport pa Kilian Mbape.
Arsyeja shpjegohet shpejt: francezi iu nënshtrua një testi antidoping dhe më pas iu bashkua shokëve të skuadrës në një makinë private.
Zgjedhja për t’u larguar menjëherë nga stadiumi pa pritur shokët e skuadrës të përfshirë në testet e dopingut, raporton shtypi francez, është një praktikë mjaft e zakonshme për të shmangur pritjet shumë të gjata.
Përjashtim nuk është bërë as për lojtarin simbol të klubit, i cili ndër të tjera ka pasur një mbrëmje të komplikuar, të kontrolluar mirë nga mbrojtja verdhezi. Ish-sulmuesi i Monakos goditi shtyllën në minutën e 52-të por pa mundur të shënojë së paku një gol.
