Serie B, Asambleja vjen me risi, strati në 19 gusht
- Rexhina dhe Leko rrezikojnë përjashtimin, gati ftesa për Breshia e Peruxha
Nga Italia vijnë risi për kalendarin ardhëshëm të Serie B: Asambleja vendosi që nga sezoni 2023-2034 do të prezantohet për herë të parë formati asimetrik që parashikon një sekuencë sfidash për ndeshjen e dytë që nuk përkon me ndeshjen e parë.
Prezantimi i kalendarit të ri është planifikuar në 11 korrik për tu mbajtur në Como (Vila Olmo). Asambleja, e cila u mbajt me videokonferencë, konstatoi gjithashtu se nuk do të luhet në pushimet kombëtare dhe konfirmoi ditën e pushimëve para vitit të ri.
Pushimi dimëror është caktuar nga data 27 dhjetor deri më 12 janar, me ditën e parë të kthimit të vendosur më 13 janar. Ndërkohë starti i sezonit të ri me 20 skuadra nis të shtunën më 19 gusht dhe përfundimin të premten më 10 maj 2024.
Ndërkohë Leko e promovuar këtë sezon në B nuk ka një impiant të çertefikuar. Prefektura ka refuzuar t’i miratojë kërkesën për stadiumin e Padovës dhe rrezikon seriozisht regjistrimin në Serie B.
E njëjta situatë me Rexhinën e cila ka si pengesë gjendjen me borxhet dhe duhej të paguante 7.5 milionë euro deri në mbrëmjen e djeshme për pagat e prapambetura dhe detyrimet e Irpef dhe Inps.
Të gatshëm për të përfituar Breshia dhe Peruxha. Ndërkohë, në Serinë C, përjashtimi i Sienës do t’i hapë rrugë Atalantës U-23.