Prapakthehu, Korabi- Burreli në Peshkopi
Lajmi i lëvizjes së fundit, konfirmohet edhe nga FSHF
Histori shqiptare. Edhe pse u komunikua se Korabi do të presë Burrelin në ‘Internacional’ të Pezës për javën e 32-të të Kategorisë së Parë, e gjitha vjen e rrëzohet paraditen e sotme.
‘Sportiim.al’ mëson se ky takim do të luhet në stadiumin e Peshkopisë duke bërë që ndoshta sfida më e luftuar e kësaj jave të marrë përmasat e një derbi të ‘gjallë’ rajonal.
‘Burreli luan në Peshkopi këtë pasdite në orën 16:00. Kjo është definitive”, tha trajneri i matjanëve Klevis Hima teksa shtoi: “Nuk ndryshon asgjë. Ne duam të sigurojmë qëndrimin absolut në dy ndeshjet e fundit dhe skuadra është e përgatitur për këtë”, preu shkurt kurbinasi i stolit të Burrelit. /Sportiim.al/