Egnatia zyrtarizon Aleksin
Egnatia vijon përgatitjet për Conference League dhe sezonin e ardhshëm futbolistik. Rrogozhinasit kanë prezantuar së fundmi lojtarin më të ri që do të jetë pjesë e tyre dhe bëhet fjalë për Albano Aleksin.
30-vjeçari mbylli aventurën te bardheblutë e Tiranës ku kaloi 1 sezon dhe tashmë është gati të japë kontributin e tij me fanellën e Egnatias. Mesfushori është aktivizuar më parë edhe me Butrintin, Luftëtarin dhe Teutën.
Aleksi është prezantuar nga vetë presidenti Demrozi teksa KF Egnatia ndër të tjera shkruan: “Albano Aleksi zyrtarisht pjesë e KF Egnatias. Futbollisti ka firmosur kontratën me klubin dhe i bashkohet ekipit në stërvitjen në përgatitjet për ndeshjet e Conference League.”