Kupa/ Partizani- Vllaznia gjysmëfinalja e …Elbasanit
Partizani- Vllaznia gjysmëfinalja e vajtjes së Kupës së Shqipërisë në ‘Elbasan Arena’
Përgatiti: Erga Kenga
Pas Teuta- Laçi (1-2) luajtur të mërkurën në ‘Niko Dovana’, radhën sot e ka dueli Partizani -Vllaznia për gjysmëfinalen e parë të Kupës së Shqipërisë, edicioni i 70-të.
Kështu në mungesë të një impianti në Tiranë, Partizani në takimin e vajtjes do të jetë pritës në “Elbasan Arena” me startin zyrtar orën 17:45.
Partizani vjen në këtë përballje me shkodranët më i karikuar se kurrë. Fakti që të kuqtë e kanë të vështirë një biletë europe nga kampionati, teksa janë të 5-ët me 8 pikë larg vendit të tretë, rruga për në kontinent mbetet vetëm nga Kupa.
Në këtë aspekt mobilizimi në lartësi. E tha Mehmeti në konferencë… Ndërkaq te Partizani do të ketë mungesa të sigurta si Rrapaj apo Albion Marku i cili është në pikëpyetje. Pa shtuar këtu edhe Carën që së bashku me mbrojtësin e djathtë ishin të impenjuar te U21 kuqezi.
Vllaznia sipas asaj që është raportuar së fundi, do privohet sërish nga kapiteni Erdenis Gurishta, i cili ende nuk është rikuperuar plotësisht.
Në pikëpyetje për shkaqe fizike gjëndët te kontigjenti i Plorit edhe një ndër pikat e forta kuqeblu si Ardit Krymi. Rikuperimi i Latifit, Da Silves dhe Jonuzit një “armë” më shumë për Vllazninë.