Luhet në mesjavë, Superiorja nuk njeh pushim
Abissnet Superiore luan në mesjavë ndeshjet e javës së 12-të kampionatit elitar. Të programuara në tri ditë, takimet nisin të martën, ecin të mërkurën dhe mbyllin të enjten.
E 12-ta do të startojë me përballjet Tirana-Kastrioti dhe Dinamo-Teuta, të përcaktuara në 16:45. Tirana kryesuese do të luajnë për tri pikë në mënyrë që të ruajnë pozitat në krye, ndërsa Dinamo do të provojë të kthehet te fitorja, për të harruar humbjen e thellë në Laç 5-0.
Të mërkurën në orën 16:45 Skënderbeu do të presë Egnatian në Korçë në një duel të paparashikueshëm sportiv.,
Supersfida e javës figuron ajo që do të luhet në Shkodër po të mërkurën mes Vllaznisë dhe Partizanit me fillim në orën 16:45.
E enjtja ofron Kukësi- Laçi në ‘Air Albania Stadium’. Një tjetër betejë sportive mes dy skuadrave rivale e në formë sportive.
Java e 12-të:
E martë:
16:45 Tirana-Kastrioti (Air Albania Stadium)
16:45 Dinamo-Teuta (Elbasan Arena)
E mërkurë:
16.45 Skënderbeu- Egnatia
16:45 Vllaznia- Partizani
E enjte:
13:45 Kukësi- Laçi (Air Albania Stadium’) /Sportiim.al/