Ikën trajneri i parë në Abissnet Superiore
Sipas Panorama Sport, trajneri i Kukësit Diego Longo ka marrë vendimin për t’u larguar pas katër javësh nga Kukësi. Gjithçka ngjau pas humbjes që Kukësi mori sot në Elbasan Arena me Teutën 2-3.
“Trajneri Longo menjëherë pas ndeshjes, ka mbledhur lojtarët në dhomat e zhveshjes dhe iu ka komunikuar se do të largohet. Mësohet se trajneri i ka falënderuar lojtarët dhe se kjo ishte ndeshja e fundit e tij nën drejtimin e Kukësit”, shkruan Panorama Sport.
Në fakt duket e habitëshme se si një trajner me këtë ecuri si kryesues deri sot të marrë një vendim të tillë. Për tu ndjekur situata. Klubi ende pa një komunikim zyrtar.