Mikitarian si Ramos, jashtë liste
Pas “bombës” së lënjes jashtë liste të Serxhio Ramos nga Luis Enrike, një tjetër ikonë e një vendi futbollistik, evitohet nga kombëtarja. Madje thuajse me të njëjtën bujë.
Henrik Mkhitaran, mesfushori i Romës dhe lojtari ikonë e Armenisë ka postuar në rrjete se ai nuk është ftuar nga trajneri i Kombëtares për ndeshjet e radhës. Njeriu më i rëndësishëm në historinë e futbollit armen u evitua për ndeshjet që skuadra do të luajë kundër Kroacisë dhe Suedisë.
Ky është mesazhi që lojtari ndau në rrjetet sociale, duke nënvizuar habinë e madhe për përjashtimin e vendosur papritur:
“Për habinë time të madhe, unë u informova nga stafi i kombëtares armene se nuk jam thirrur në kombëtare. Arsyet që më dhanë nuk më bindin, por prapë u uroj fat lojtarëve tanë në ndeshjet e ardhshme”.
