Xhaferi, favoriti i blerjes së Vllaznisë
Sot u zhvillua faza e dytë e ankandit për shitjen e aksioneve të klubit të Vllaznisë. Bashkia ka pranuar ofertat dhe ka shikuar dokumentacionet e pretendentëve ndërsa ka njoftuar edhe se do t’i shqyrtojë ato. Shkodra Sport, shkruan se Bashkia Shkodër i ka dërguar email dy pretendentëve Almiro Gurakuqit dhe kompanisë Joni 5 Shpk se kanë mangësi në dokumetacion dhe se nuk kualifikohen për në raundin tjetër. Të dy këta pretendentë kanë mundësinë e ankimimit brenda shtatë ditëve.
Por, duket se Alban Xhaferi është shumë pranë marrjes në zotërim të klubit Vllaznia ndërsa ka ofruar 650 milionë lekë. Kështu, Xhaferi mund të vazhdojë projektin e tij ambicioz me kuqeblutë që në drejtimin e tij, ka siguruar finalen e Kupës dhe është në garë per titull.
