Shqipëria refuzohet nga Shqipëria…
Shpresat e FSHF për të kthyer tifozët në stadium sipas propozimit të FIFA-s teksa ka dhënë dritën jeshile për 30% të kapacitetëve, u rrëzuan sot nga Ministria e Shëndetësisë.
FSHF, kishte bërë kërkesë që ndaj Anglisë me 28 mars të mund të afronte deri në 6500 njerëz në shkallë por ky version u rrëzua dhe Shqipëri- Angli për kualifikueset e Botërorit, do të jetë i gjithi pa tifozë.
Ministria e Shëndetësisë dhe Mbrojtjes sociale i ka kthyer përgjigje sot Federatës Shqiptare të Futbollit në lidhje me kërkesën e bërë ku shkruan:
“Duke parë situatën epidemiologjike, në kushtet e numrit të lartë të rasteve të reja të infektimeve me COVID-19, Ministria e Shëndetësisë dhe Mbrojtjes Sociale, nuk e miraton kërkesën tuaj”, shkruhet në shkresën që i është dërguar FSHF-së.