Misteri/ Boateng troket te Flik, kërkon leje
Misteri thellohet për vdekjen e Kasia Lenhardt, trupi i pajetë i së cilës u gjet dje në banesën e saj në Berlin. Modelja 25-vjeçare i kishte dhënë fund marrëdhënies së saj me mbrojtësin e Bajernit, Zherom Boateng dy javë më parë.
Në momentin e ngjarjes tragjike me humbjen e jetës së polakes Boateng ishte në Katar për të luajtur Kupën e Botës për Klubeve. Mbrojtësi i Bajernit nuk do të jetë në fushë sonte për finalen kundër Tigres.
E konfirmon Flik trajneri i bavarezëve:
“Jerome erdhi të më shihte në dhomën time dhe më kërkoi leje për të shkuar në shtëpi. Bayern padyshim që e ka pranuar kërkesën e tij, ai nuk është më në dispozicionin tonë për ndeshjen. Testi i tij ka qënë negativ dhe mund të kthehet pa problem në Gjermani”.