Avdiaj: Erdha te Vllaznia
Albion Avdijaj ndërron skuadër në pak kohë. Erdhi me bujë te Tirana por nuk bindi aq sa disa herë u tha se lojtari ka mbyllur bashkëpunimin.
Sot sulmesi ka dalë para mediave në Shkodër duke pranuar se ka gjetur akordin me Vllazninë e Tomas Brdariç me të cilin deklaroi se njihej prej kohësh.
“Tirana? Nuk kam çfarë të them më për atë që ka ndodhur, nuk më intereson më. E kam mbyllur atë kapitull e do të shoh përpara.
Mesazhin tim duhet ta tregoj në fushë. Vllaznia është në vendin e parë, kam parë ekipin si luan. Jam prej 2-3 muajsh në kontakte me Tomas e të gjithë, e kam pasur trajner te ekipi i dytë i Volfsburg. Kam besim nuk kam çfarë flas më shumë e ta shoh në fushë.
Golat? Nuk ka premtim kurrë, duhet ta tregoj në fushë. Do ta shohim aty.
A është Vllaznia për titull? Po, kam besim, se e di se si punon prfesori dhe kam pare ndeshjet e ekipit dhe shoh se janë ekip që duan të gjithë bashkë të arrijnë diçka”, tha Avdijaj
