Blank alternativë për stolin e Barcelonës…
Pas humbjes së Barcelonës me Osasunën, Kike Setien e gjeti veten në rrezik të madh. Trajneri “blaugran” është në prag të një largimi eventual, pavarësisht se Bartomeu mendohet se i dha besim dje. Ende nuk është marrë asnjë vendim zyrtar, ndaj çështja e pasardhësit të tij është e nxehtë.
Dhe orët e fundit në Spanjë flitet për pasuesit e atij, që mori vendin e Ernesto Valverdes. Sipas mediave franceze Laurent Blank po lakohet së tepërmi për t’u ulur në pankinë te ish-klubi i tij.
Me Ksavin që duhet të presë dhe pak… Pa një klub që nga largimi i tij nga Paris SG në vitin 2016, tekniku francez dëshiron të rifillojë punë.
Ndërkaq, me menaxherin e njohur Horge Mendes, ish-mbrojtësi i njohur, u përmend edhe te Valencia, por e shkuara e tij te Barcelona, mund të rezultojë zgjidhje efikase për planet e afërta të katalanasve.