Verder akuzon: Dormund toleroi Mainzin…
Pasi Bajerni u shpall kampion dy javë nga epilogu në Bundesligë, Dortmund u mund në shtëpi nga Mainz 0-2. Shumë njerëz nisën të flasin për tolerim ndërsa skuadra me emër që luftojnë për mbijetesë, vihen në rrezik qëndrimi.
Është Vili Lemke, ish-menaxheri i Verder Bremen, për një nga skuadrat që lufton për mbijetesë dhe që dëmtohet shumë nga fitorja e Mainz në ‘Signal Iduna Park’.
Lemke ka akuzuar:
“Ishte një humbje e shëmtuar e Borusia Dortmund. Ndihem shumë i irrituar me atë shfaqje në ‘Signal Iduna Park’. Nuk dua të paragjykoj askënd, por fakti që Mainzi fiton lehtësisht në Dortmund, është i çuditshëm”, –tha ai për mediat gjermane.