Lika pastron shtëpinë, Bakaj në fushë…
Tani duket se dhe Shqipëria ka hyrë në pikun e famëkeqit Koronavirus. Masat e marra nga shteti shqiptar, në të mirë të qytetarëve të tij, kanë ndrydhur apo paralizuar edhe aktivitetet sportive.
Paçka se lojtarë të caktuar të Tiranës u fotografuan dje duke kryer seanca përgatitore në ‘Selman Stërmasi’. E pafalshme për një skuadër të madhe si Tirana…
Në ekrane, Supersport me ‘Fan Zonë’, po përpiqet të përditësojë situatën me klube e futbollistë brenda e jashtë vendit.
Enis Bardhi, Dejvi Bregu, Gentian Selmani, Gilman Lika, ishin disa nga futbollstët shqiptarë që sollën risitë apo mesazhet e rastit. Shprehja e ditës vjen nga Lika: “Kam larë shtëpinë, kam edhe foto me boçe”
Nga Bjellorusia foli edhe Elis Bakaj. Aty ku askush nuk do t’ia dijë për COVID-19. Kampionati ka nisur dhe Bakaj ka luajtur ndeshjen e parë me kampionët.