Kupa e Mbretit, Reali e Barcelona gati…
Historike: Mirandes në gjysmëfinale…
Reali dhe Barcelona sot në fushë për të siguruar biletën për gjysmëfinalen e Kupës së Mbretit.
Galaktikët do të presin në ‘Santiago Bernabeu’ baskët e Real Sociedad (ora 19:00) ndërsa Barcelona, do jetë mysafire e një tjetre baske si Atletik Bilbao.
Katalanasit me një krizë të brendshme institucionale, pritet ta kenë disi më të vështirë kualifikimin. Çështja e re Mesi- Abidal, edhe pse minimale, ka përshtjelluar disi situatën te blaugranët. Kjo sfidë nis në orën 21:00.
Sakaq, kanë siguruar biletën e gjysmëfinales Granada dhe Mirandës e ‘Secunda Division’. Të martën, Granada mundi Valencian 2-1, teksa mbrëmë Mirandës në mënyrë surprizë, mposhti Vijarealin 4-2.