E fundit kalendarike, Superiorja pa ‘llogari’
Superiorja në fushë. Për herë të fundit për 2019-tën. Një gjysmë sezoni (java e fundit e fazës së dytë në 2020-tën) tërësisht e paparashikuar.
Befason Bylis dhe Vllaznia të cilat erdhën nga Kategoria e Parë dhe u ngjitën në piedestal. Sidomos mallakastriotët e Dovedan.
Sot në ‘Adush Muça’, viziton Luftetari. Llogaritë në letër, flasin për tri pikë të tjera të vendasëve.
Më tej shkodranët… Udhëtojnë në kryeqytet ndërsa i pret Partizani i oshilacionëve të mëdha. Ndeshje e dilemave të shumta. Aq më tepër që dy ekipet, shpesh kanë treguar se janë rivalë në çdo kohë.
Laçi dhe Tirana dueli i ndezur i javës. Bardhezinjtë dy vite më parë ishin po në këtë pozicion. Në 22 dhjetor 2017 mundnin Lushnjën 3-1 (Rexhinaldo, Uzuni, Xhixha) dhe mbyllnin të tretët pas Skënderbeut e Flamurtarit.
Sot korçarët dhe vlonjatët stigmatizuar në fund të renditjes….
Flamurtari më keq akoma duke mos shijuar ende fitoren e parë në kampionat. Sot pret Teutën e Edi Martinit.
Skënderbeu me mision të ndalë Kukësin kryesues.Verilindorët, zot shtëpie në ‘Elbasan Arena’, vijnë pas 4 fitoreve radhazi.
Zor se gabojnë ndaj juglindorëve që si kurrë në këto 10 vite, po shfaqen me problematika gjithëfarëshe.
Ndeshjet sot:
Laçi- Tirana
Bylis-Luftetari
Flamurtari- Teuta
Partizani- Vlaznia
Kukësi-Skënderbeu