Leroi Sane, 6 muaj lamtumirë Sitit!…
Sulmuesi i përfaqësueses gjermane, Leroi Sane do të mungojë për gjashtë muaj në radhët e Mançester Sitit, për shkak të dëmtimit të pësuar në ndeshjen ndaj Liverpolit për të ashtuquajturën, Superkupë të Anglisë.
Me një komunikatë në faqen zyrtare, klubi i Mançester Sitit ka bërë me dije, se sulmuesi ka këputur ligamentin e kryqëzuar të gjurit të djathtë dhe ai do të duhet t’i nënshtrohet një operacioni. Ndërhyrja kirurgjikale është parashikuar për javën e ardhshme.
Sipas të gjitha gjasave, pas këtij dëmtimi Leroi Sane do të duhet të qëndrojë rreth gjashtë muaj jashtë fushave të futbollit. Ky aksident, bëri që edhe të dështojë transferimi i tij te Bayern Mynih, ndërkohë që midis klubeve ishte arritur edhe akordi.
