Stavri Nica, përsëri në krye të Devollit…
Trajneri i njohur Stavri Nica do të vazhdojë ta drejtojë skuadrën e Devollit edhe në sezonin e ri, që pritet të nisë në shtator.
Lajmi bëhet i ditur nga klubi devolli, i cili nëpërmjet një njoftimi bën të ditur faktin se kryebashkiaku i ri Eduard Duro, ka nënshkruar kontratën me teknikun durrsak për vazhdimin e bashkëpunimit midis tyre.
“Kryetari i ri i Bashkisë Devoll , Z.Eduard Duro , në cilësinë e
Presidentit të K.S Devollit hedh hapat e parë për krijimin e strukturës së re
të klubit në përputhje me kriteret e Kategorisë së Parë në të cilën klubi yne
do të jetë pjesmarrës.
Duke hedhur firmën e parë me konfirmimin e trajnerit Stavri Nica për sezonin e
ardhshëm.
Dita e hënë është vendosur për fillimin e stërvitjes. Në ditët në vijim do të pasqyrohen zhvillimet për sa i perket futbollistëve që do te provohen/afrohen për të qenë pjesë e ekipit për kampionatin 2019-2020”, shkruhet në njoftimin e skuadrës së Devollit.
Trajneri durrsak Stavri Nica, në mesin e sezonit të shkuar mori drejtimin e skuadrës së Devollit dhe e ngjiti atë nga Kategoria e Dytë në të Parën, ku do të debutojë në sezonin e ri.