Lihtshtajner, “i lodhur” nga Arsenali…
● Ish-juventini zvicerian po bëhet gati për lamtumirën me londinezët në fund të sezonit me pak kënaqësi: “Unë nuk mendoj se do të qëndroj”.
Aventura e çuditshme me Arsenalin, pas shtatë sezoneve dhe shumë titujve me Juventusin, për zviceranin Stefan Lihtshtajner mund të përfundojë shumë shpejt.
Intervistuar nga “Evening Standard”, zvicerani nuk e ka fshehur zhgënjimin për mungesën e aktivizimit nga tekniku Unai Emeri: “Më duket mjaft vështirë të mbetem, por do të shohim se çfarë do të ndodhë, nuk di asgjë”.
Megjithatë, në moshën 35-vjeçare Lihtshtajener është pranë një suksesi kontinental. “E vetmja gjë e rëndësishme është finalja e Europa League, dua ta fitoj këtë kupë. Fatkeqësisht kemi humbur shumë pikë në ligë. Kemi qenë edhe të pafat, por ne duhet të pyesim veten më shumë”, – ka deklaruar zvicerani i “Topçinjve”, që do të përballet në finalen e Bakusë me blutë e Çelsit.
