Sarri prapaktheu, piketohet Lampard…
● As fitorja e Europa League nuk duhet ta shpëtojë Mauricion, pavarësisht se ka një kontratë deri në qershor 2021
Kapitull i ri mund të nisë lidhur me të ardhmen e trajnerit Sarri. Sipas “La Gazzetta dello Sport”, Çelsi është gati ta shkarkojë trajnerin italian.
Pas shumë fërkimeve me kompaninë, presidentin dhe shumicën e tifozëve. As fitorja e Europa League nuk duhet ta shpëtojë Mauricion, pavarësisht se ka një kontratë deri në qershor 2021.
Në ndodh kjo, Sarri mund të kthehet në Serinë A. Skuadra e Milanit ka shprehur mjaft interes për të dhe Sarri duket se është në “pole-position” për t’u ulur në stolin e “djajve”.
Shumë i kërkojnë shërbimet e ish-trajnerit të Napolit. Interes për Sarrin ka shfaqur edhe Roma, që është në kërkim të një trajneri të ri, nëse bie pista Gasperini.
Ndërkohë, në kampin blu të Londrës, flamuri i përjetshëm i këtij klubi, Frank Lampard që aktualisht drejton Derbi Kantin, është piketuar si pasues i Sarrit në rolin e trajnerit të ri të Çelsit.
Gjithçka pritet të zyrtarizohet pas finales së Bakusë, ku Arsenali do të përballet me Çelsin.