Gjysmëfinalja e dytë e ‘Final 4′, Egnatia apo Vllaznia në 90’ për finalen e madhe
Egnatia- Vllaznia, gjysmëfinalja e dytë e “Final Four” këtë mbërmje në Air Albania Stadium në Tiranë. Për të zbuluar emrin e skuadrës tjetër finaliste e cila në 26 maj ora 20:00 do të diskutojë titullin kampion me Partizanin.
Sikundër është qartësuar në rregullorne FSHF-së, rrogozhinasit për shkak të vendosjes pas 36 javëve do të mjaftohet me fitoren eventuale por dhe barazimin për të shkuar te dueli final.
Nga ana tjetër Vllaznia e cila nuk fiton një titull që nga viti 2001, do të tentojë të vendosë ‘veton’ ndaj Egnatias e cila pasi fitoi Kupën e Shqipërisë ndaj Kukësit, do edhe titullin e parë kampion. Shkodranët janë të plotë. Ashtu si dhe rrogozhinasit e teknikut Tetova.
Ndërkaq pritet dyndje tifozësh. Kryesisht nga Shkodra, qytetit të madh veriperendimor të Shqipërisë.
Sikundër dhe në gjysmëfinalen e parë (Partizani- Skënderbeu 1-0) edhe sot në mbrëmje pritet që gjyqtati të zyrtarizohet përmes shortit vetëm pak orë para startit./Sportiim.al/