Kategoria e Parë rikthehet në fushë, sot katër duele ‘jetike’
Pas pauzës ardhur nga ndeshjet miqësore të ekipit Kombëtar, sot futbolli në vend nis me Kategorinë e Parë.
Në program java e 26-të e saj e cila sipas Departmentit të Garave në FSHF, do të startojnë në orën 14:00.
Për vetë emrat me histori në futbollin shqiptar, dueli i Fushë Krujës mes Kastriotit dhe AF Elbasanit duket mjaft interesant. Krutanët edhe pse nuk janë të qetë, ende në zonën e rrezikut, vijnë pas fitores 1-3 me Vorën e fortë teksa ndaj verdhebluve të Nevil Dedes, pritet të dhurojnë një tjetër sfidë interesante.
E njëjtë në letër edhe ndeshja e Burrelit aty ku vendasit e Klevis Himës do tentojnë të ndalin Bylisin e vendit të dytë.
Me mjaft interes pritet sfida ndërmjet Besës dhe Luzit me dy skuadrat e Kavajës që duhet të luftojnë për mbijetesë.
Në Fier, Apolonia për të konsoliduar pozitat te zona play-off, do tri pikë përballë Tomorit në krizë por me drejtues të ri sot në pankinë.
Mjaft interesante sfida e Peshkopisë aty ku Korabi-Flamurtari do provojnë forcat te zona ku luftohet për play off.
Kampionati kryesohet nga AF Elbasani me 59 pikë i ndjekur nga Bylis me 58-të.
Java e 26, Kategori e Parë:
Kastrioti-AF Elbasani
Besa -Luzi 2008
Apolonia -Tomori
Burreli-Bylis
Korabi -Flamurtari
Lushnja-Vora (nesër ora 14:00).