Kukësi ‘shtron’ Vllazninë, Apolonia ndalet nga Korabi
Surpriza e kësaj fillimfaze të katërt mban emrin e Kukësit. Pasi mposhtën Laçin, verilindorët marrin një tjetër 3-pikësh të artë përballë skuadrës së momentit, Vllaznisë.
Mes shumë episodesh, kryesisht në pjesën e dytë, ku Salami shënoi në sekondat e para por një top i prekur me dorë anuloi festën dhe Duka që rrezikoi të ndëshkohej me të kuq por VAR-i e shpëtoi, Kukësi iu fal Solodonikovit.
Sulmuesi e bëri sefte përballë shkodranëve brenda shtatë minutave duke vulosur takimin e duke entuziasmuar vendasit që matematika dhe perfomanca në sfidat e fundit i mban ende në lojë.
Vllaznia nuk ia del t’ia rrëmbejë fronin Egnatias dhe fiksohet në vendin e dytë mjaft komode me 49 pikë, ndërsa ekipi i Devollit nuk i shpëton aq kollaj vendit të fundit por tashmë numëron 25 pikë.
Sakaq, është mbyllur në barazim 1-1 përballja e fundit në program për javën e 25-të të Kategorisë së Parë mes Apolonisë dhe Korabit. Gjithçka u vendos në minutat e fundit të sfidës me miqtë që iu rrëshqiti fitorja nga duart dhe me gjithçka që mbeti e njëjtë edhe në llogaritë e klasifikimit ku skuadrat kanë pikë të barabarta.
Abissnet Superiore, Java 28:
Kukësi – Vllaznia 2-0 (Solodonikov 72′, 79′)
Kategoria e Parë, Java 25:
Apolonia – Korabi 1-1
