Të ‘voglat’ bëhën të mëdha, bien Egnatia e Partizani
Abissnet Superiore, Java 28:
Skënderbeu – Egnatia 2-0 (Franklin 20′, 39′)
Teuta – Partizani 1-0 (E.Peposhi 66′)
Nga Sara Gjidiaj
Teuta dhe Skënderbeu surprizojnë skuadrat e kreut duke siguruar nga 3 pikë mjaft të rëndësishme në garën për katërshen dhe mbijetesën. 2-0 për korçarët ndaj rrogozhinasve që duket se po i lejojnë vetes lirshmërinë e të humburit dhe 1-0 për Teutën që tenton të ringrihet.
Sfida në “Niko Dovana” u vulos nga një eurogol i Peposhit në pjesën e dytë që befasoi Qirkon dhe Partizanin. Këta të fundit shënuan në fraksionin e parë por pozicioni i parregullt i’u prishi festën.
Sakaq, korçarët i mbyllën llogaritë brenda pjesës së parë ku protagonist ishte Frenklin me dy golat e shënuar përballë Sherrit. Egnatia vijon eksperimentet me luksin që i jep pozicioni në klasifikim dhe Aleksin që “fal” një penallti.
Kështu, Skënderbeu e sheh veten në katërshe me diferencën e duhur për të mos u mbërritur as këtë javë nga ndjekësja më e afërt që është Tirana. Teuta sakaq, barazon me pikë Laçin dhe provon te dalë nga zona e ftohtë.
