Kumbulla te ekipi i tretë i Serisë A
Marash Kumbulla zyrtarizohet si futbollisti më i ri i Sasuolos në Serie A. Mbrojtësi i Kombëtares pasi ka kryer vizitat mjekësore është prezantuar me fanelën e tij të re të cilën do ta mbajë të paktën deri në përfundim të sezonit aktual.
Kështu pas Veronës dhe Romës, 24-vjeçari bashkohet si i huazuar nga Roma (kontratë me romakët deri në fund të qershorit 2025) me Sassuolon, aty ku aktivizohet mesfushori kuqezi Nedim Bajrami.