Rastet raciste, FIFA propozon sanksione e ndryshme
Portieri i Milan, Majk Menja ishte viktimë e fyerjeve raciste në pjesën e parë të ndeshjes Udineze-Milan. Loja u ndal më pas u vendos ‘rend’. Mirpo dozat raciste janë shtuar edhe në Spanjë, Angli etj.
FIFA përmes kreut të saj ka reaguar në platformen ‘X’:
Në emër të FIFA-s, presidenti i FIFA-s, Xhani Infantino, ka bërë këtë deklaratë:
“Ngjarjet që ndodhën në Udine dhe Sheffield të shtunën janë krejtësisht të neveritshme dhe krejtësisht të papranueshme. Nuk ka vend për racizëm apo ndonjë formë diskriminimi – si në futboll ashtu edhe në shoqëri. Lojtarët e prekur nga ngjarjet e së shtunës kanë mbështetjen time të pandarë.
“Ne kemi nevojë që të gjithë aktorët përkatës të ndërmarrin veprime, duke filluar nga edukimi në shkolla, në mënyrë që brezat e ardhshëm të kuptojnë se kjo nuk është pjesë e futbollit apo e shoqërisë.
“Sikurse procesi me tre etapa (ndalimi i ndeshjes, ndeshja rifilloi, ndeshja u braktis), ne duhet të zbatojmë një dënim automatik për skuadrën, tifozët e të cilit kanë shfaqur racizëm dhe kanë bërë që ndeshja të braktiset, si dhe ndalimet e stadiumeve në mbarë botën por dhe akuza penale për racistët.
“FIFA dhe futbolli tregojnë solidaritet të plotë ndaj viktimave të racizmit dhe çdo forme diskriminimi. Një herë e përgjithmonë: Jo racizmit! Jo çdo forme diskriminimi!”