Kukësi kërkon ‘lavdi’ ndaj Egnatias, Teuta-Tirana ku i…dihet

Rinis sot edhe Kategoria e Parë, AF Elbasani pret Korabin (17:00)

Stavri Nica bëri prapakthehu ndërsa sot do të drejtojë Kukësin ndaj Egnatias në përpjekje për të patur rezultat pozitiv.

Durrasku i cili mori drejtimin e verilindorëve që nga java e tretë, beson se kontigjenti i ri në dispozicion, do mund të ndihmojë për të dalë nga situata e zonës së kuqe.

Ndërkohë Egnatia, vjen në këtë takim si kryesuese e Superiores e me ndryshime rrënjësore teksa ka kryer lëvizje thelbësore në organikë.

Pak më vonë, në “Niko Dovana” të Durrësit, sfida Teuta-Tirana. Me start orën 17:00, në fushë dy skuadra me histori të madhe e aktualitet të tjetërsuar.

Vendasit e Martinit, nxitojnë për t’i ikur fundit të ftohtë e për ta bërë këtë, lipset të nisin me rezultat pozitiv që sot ndaj bardhebluve.

Tiranasit janë rikthyer fort pasi në dy sfidat e fundit thyen Egnatian 0-5 në Rrogozhinë dhe përmbysën Dinamon 2-3 pikërisht javën e 19-të në Durrës.

Java e 20 plotësohet nesër me tre duelet: Erzeni-Vllaznia, Partizani-Laçi dhe Skëndebeu-Dinamo.

Abissnet Superiore, java e 20:

Sot:

Kukësi -Egnatia 13:30

Teuta -Tirana 17:00

Të shtunën:

Erzeni -Vllaznia 13:30 (në Rrogozhinë)

Partizani -Laçi 17:00

Skëndebeu -Dinamo 17:00