Radhë të mbledhura sportive
Beshiktash i beson stolin Fernando Santos ish trajnerit të Polonisë dhe Portugalisë.
Fenerbahçe kërkon të sjellë në Stamboll kampionin e botës Leonardo Bonuçi i cili së fundi ishte te Union Berlin.
Cikalleshi ankohet te drejtuesit e Koniaspor për pagat e prapambetura, nuk grumbullohet ndaj Gallatasarajit (humbur 3-0).
Episod dhunë në Itali me protagonistë babain e futbollistit Kristian Shpendi. Sulmuesi i Çezenës pati një atakim me portierin sard të Olbia-s Filipo Rinaldi ndërsa në fund prindi vajti për ta goditur.
FA Cup në fazën e 1/32-ve, ofroi në mbrëmje duelin Arsenal- Liverpul. Ndeshja e luajtur në “Emirates Stadium” solli fitoren e The Reds 0-2 të cilët festuan kalimin e këtij turi.
Sevilja mposhti Ferrolin 2-1 jashtë fushe dhe u kualifikua për në fazën e 16-të të Kupës së Mbretit. Përpara bën edhe Selta Vigo, e cila arriti fitoren në Amorebieta (4-2). Përparoi edhe Majorka, 3-0 ndaj Burgos CF dhe Osasuna, që fitoi në kohën shtesë ndaj Kastelon. Barça kaloi 2-3 Barbastron, ecën dhe Sociedad me fitoren 0-1 ndaj Malagës. Gjithashtu Valencia e Bilbao. Salamanka- Vijareal u ndal në shtesë për shkak të mungesës së energjisë.
Roma- Atalanta (1-1). Kartoni i kuq i dhënë nga Aureliano do të bëjë që Hoze Murinjo të humbasë ndeshjen e radhës ndaj Milanit për shkak të skualifikimit, por do të kthehet në Kupën e Italisë ndaj Lacios./Klevis Bejkolli/