Modriç drejt Al Nasr, ‘kumbarë’ Ronaldo
Për mesfushorin fitues dhe të një ‘Topi të Artë’, Al Nasr ka gati 30 milionë euro në vit
Sipas “Todofichajes”, portal spanjoll i specializuar për transferime, mesfushori 38-vjeçar i Real Madrid, Luka Modriç ka arritur marrëveshje me klubin e tij të ardhshëm.
Kjo lëvizje pritet të ndodhë verën e ardhshme. Edhe pse është lakuar si destinacion i ri MLS në SHBA teksa në ‘derë’ dukej Inter Majemi, spanjollja shkruan se ai ka rënë dakord për gjithçka me Al Nasr në Arabinë Saudite. Aty ku aktivizohet ish shoku i skuadrës te Los Blancos, Kristiano Ronaldo si dhe kroati tjeter Marselo Brozoviç.
Ardhur nga Totenhem, Modriç është pjesë e Realit që nga viti 2012 duke fituar gjithë trofetë në qarkullim me klubin madrilen. Ai ka luajtur 508 ndeshje dhe shënuar 38 gola e dhënë 80 asiste. Parë pozicionin e tij të ri, me pak minuta në fushë, Luka shpesh ka shfqaur pakënaqësi duke dalë në mendimin se agjënët e tij, duhet të shohin pista të tjera.