Tirana bie në klasike, Teuta nuk realizon nga…11 metra
Erdenis Gurishta ndjek Vllazninë, Florent Hasani në tribunë. Tifozët bardheblu kapen me ish drejtorin Osmani.
Klasikja e Shqipërisë dhe derbi durrsak ishin 2 sfidat e tjera të prgramuara në këtë javë të 17-të të kampionatit shqiptar. “Selman Stërmasi” ngjyroset kuqeblu në klasiken e dytë sezonale, ndërsa nuk ka fitues mes Erzenit dhe Teutës.
E luftuar përballja mes kryeqyteasve dhe shkodranëve, me këta të fundit më kërkues në pjesën e parë të sfidës dhe me vendasit që u zgjuan pas pësimit të golit. Gjithçka u vendos nga 11 metra distancë me Balajn që nuk mund të gabonte përballë Kozit.
Nuk ka gola në Rrogozhinë me Teutën që “qan” penalltinë e humbur nga Karabeci dhe kartonin e kuq të Iljazit. Paraqitje thuajse e barabartë e të dyja ekipeve ashtu si dhe u fiksua rezultati, në barazim 0-0.
Kështu, Vllaznia mbërrin Tiranën në klasifikim në kuotën e 23 pikëve, ndërsa pika e ndarë në derbi nuk ndihmon as Teutën e vendit të fundit dhe as shijakasit e vendit të shtatë.
Abissnet Superiore, Java 17:
Tirana – Vllaznia 0-1 (Balaj 37′ pen)
Erzeni – Teuta 0-0 /Sara Gjidiaj/