Superiore/ E 10-ta regres në gola, akti i 11-të nis të martën, kalendari…
- U luajt sot java që prodhoi numrin më të ulët të golave. Dy gola në shtesë, një tjetër 5 minuta nga fundi…
Nga Isuf Myrtaj
Java e dhjetë në Abissnet Superiore u mbyll sot me dy ndeshjet e mbrëmjes Teuta- Partizani 0-1 dhe Skënderbeu- Egnatia 1-1. Më herët, Tirana dhe Dinamo Siti barazuan 1-1 në ‘Selman Stërmasi’. Po për këtë javë, dje, Erzeni-Laçi 0-0 (“Arena e Demave”) dhe Kukësi-Vllaznia 1-0.
E gjitha kjo me evidentimin e javës me më pak gola në këto javë. Po t’i referohesh vetëm javës së parë u shënuan plot 16 gola në 4 ndeshje (Partizani- Teuta u shty për impenjimin e kampionëve në Europë). E dyta solli 14 gola e kështu me radhë; java e tretë 21 gola, e 4-ta 12, e 5-ta 11, e 6-ta 9 gola, e 7-ta 10-të, e 8-ta 14, e 9-ta 16 dhe kjo e sotmja vetëm 6 gola të realizuar.
Kampionati kryesohet nga Egnatia dhe Partizani me 20 pikë (të kuqtë një ndeshje për t’u rekuperuar me Teutën, java e 1-rë). Gjashtë pikë më poshtë vijnë Laçi dhe Tirana të cilat formojnë në kohë reale dhe ‘Final Four’. Mbyll Dinamo me 8 pikë.
Golashënuesi më i mirë Rafael Duamena (Egnatia) me 9-të gola.
Ndërkohë të martën me 31 tetor nis java e 11-të. Në fushë duelet:
Egnatia- Kukësi 14:00
Dinamo Siti- Skënderbeu (në Elbasan) 17:00
Të mërkurën 1 nëntor:
Laçi- Partizani 14:00
Tirana- Teuta 14:00
Vllaznia- Erzeni 17:00
Klasifikimi pas javës së 10-të: