Sportive me…’pikatore’
Nejmar te Al Hilal për shifra rekord, ndërsa sulmuesi brazilian, pasi la PSG-në, ka nënshkruar një kontratë 2 vjeçare teksa do të përfitojë plot 200 milionë euro.
Milot Rashica rikthehet në Stamboll. Këtë radhë jo te Gallatasaraji si i huazuar (fitoi titullin) por te rivali i tyre Beshiktash. “Ishte gjëja më e rëndësishme për mua dhe doja të kthehesha në Turqi, ku jam i lumtur. Mua dhe familjes sime na pëlqeu ky vend”, ndër të tjera ish futbollisti i Noruiç.
Drejtori i ri sportiv i Barcelonës do të jetë portugezi 45 vjeçar Deko. Ish mesfushori i famshëm ka veshur si futbollist bluzën e Barçës në vitet 2004-2008.
Sipas “AS”, Ansu Fati ka njoftuar drejtuesit e Barcelonës se dëshiron të largohet nga “Camp Nou”. Premier League destinacion, klubi Blaugrana kërkon të paktën 50 milion euro.
FIGC pritet të zyrtarizojë këtë të shtunë pasuesin e Roberto Mançinit te pankina e Kombëtares ‘axurre’. Në garë Spaleti dhe Konte.
Milani në bashkëpunim me ‘Puma’, sponsorit të tij, ka prezantuar fanellën e tretë që do të veshë në sezonin e ri. Ndryshe nga kaluara teksa bluza ishte mes të zezës e blusë, këtë sezon do të ketë një fanellë shumëngjyrëshe.
