Partizani nuk gabon në shtëpi, mund Bylis dhe ndjek…
Partizani- Bylis 2-1 (Rrapaj 18′, Da Silva (pen) 55′ / Eskuerdinja 34′)
Partizani ruan distancën me Tiranën ndërsa në ndeshjen e fundit të javës së 30-të Abissnet Superiore, kalon Bylisin në shifrat 2-1.
Në ‘Kompleksin Partizani’, skuadra e Kolelës kaloi përpara në të 18′-ën pas një galopimi mjeshtëror të mesfushorit Rrapaj i cili depërtoi deri në afërsi të portierit Teqja duke depozituar në rrjetë.
Reagimi i mallkastriotëve do të vinte në këtë fraksion kur Trumçi hedh një top drejt zonës, teksa Eskuerdinja me kokë barazon shifrat.
Në pjesën e dytë, të kuqtë ia dolën të rikthehen te avantzhi. Një penallti e akorduar për Partizanin kthehet në gol nga Viktor Da Silva kur luhej e 55’ta.
Më tej vendasit administruan duke kërkuar dhe të tretin. Në fund Partizani kërkoi një tjetër penallti por gjyqtarët (Bastari e pa vetë në monitor) e konsiderun ‘nul’ kërkesën e tyre.
Në këtë mënyrë, Partizani qëndron në ndjekje të Tiranës duke ruajtur diferencën prej 5 pikëve. Situata për Bylis ndërsa në lojë janë dhe 6 javë, vjen e rëndohet në fund të tabelës./Klevis Bejkolli-Sportiim.al/