Njukasëll 12 ndeshje pa humbje, derbi i vogël i shkon Fulham
‘Qymyrxhinjtë” fituan në transfertë me Lester, kapin vendin e dytë. Kryesfida Arsenal-Uest Hem starton në 21:00
Janë mbyllur 5 nga 7 sfidat e programuara për javën e 17-të të Premier League në të cilat janë shënuar plot 17 gola dhe rezultatet kanë qenë interesante.
Brentford – Totenhem u ndanë në një barazim 2-2 me vendasit që udhëhiqnin deri në të 65′-ën me 2 gola. Më pas Kejn dhe Hojbjerg vulosën baraspeshën brenda 6 minutave duke surprizuar dhe skuadrën e Brentford që nuk administroi si duhet avantazhin numerik.
Në shifrat 0-3 Fulham dhe Njukastëll Junajtid ia dolën të kalonin përkatësisht Kristal Palasë dhe Leiçester. Ndeshje me “vuajtje” për Kristal Palasë që u ndëshkua me 2 të kuq duke e ndërlikuar më shumë situatën.
Sakaq, fitore të rëndësishme me përmbysje ka marrë edhe Uolves. Ndaj Evertonit pësouan gol që në minutat e para por në fund ia dolën të rrëmbenin 3 pikë që i nxjerrin disi nga kriza. Ait-Nouri ishte ai që vendosi në minutën e 90+5′ për fitoren e skuadrës së tij.
Java e 17, rezultatet:
Brentford – Totenhem 2-2
Kristal Palasë – Fullham 0-3
Everton – Uolves 1-2
Leiçester – Njukastëll Junajtid 0-3
Sauthempton – Brajton 1-3/S. Gjidiaj/