Argjentina në gjysmëfinale përmes vuajtjeve
Botërori 2022, Çerekfinale:
Holandë – Argjentinë 2-2 (3-4) pen
Një tjetër çerekfinale e “Katar 2022” u vendos nga penalltitë. Holandë – Argjentinë prodhoi shumë por në fund amerikano-latinët siguruan biletën e gjysmëfinales të cilët do ta zhvillojnë përballë Kroacisë.
Argjentinasit e nisën më mirë sfidën teksa do të gjenin golin gjatë pjesës së parë me Molinën e asistuar nga Mesi. Më pas në të dytën Lionel Mesi shënon vetë nga pika e bardhë e penalltisë duke dyfishuar shifrat.
Një gol i minutës së 83′-të nga Verghost zgjoi shpresat e holandezëve që në çastet e fundit të takimit u dukën më këmbëngulës.
Dhe gjithë këmbëngulja e evropianëve u shpërblye në minutën e 11′-të shtesës ku një skemë e realizuar mjaft mirë përfundoi në gol sërish nga Verghost.
Kështu ndeshja iu drejtua shtesave prej 15 minutash ku sfida u bë mjaft emocionuese por llogaritë nuk u mbyllën me lojtarët që do të provonin gjithçka te pika e bardhë e penalltisë.
Holanda e nisi me dy 11-metërsh të humbur që i kushtuan shumë, ndërsa për Argjentinën gaboi vetëm Fernandez. Kështu për Mesin dhe Argjentinën rruga drejt trofeut mbetet e hapur.
/Sara Gjidiaj/