Superiore/ Të shtunën dy ndeshje, e diela sjell superderbin

Të shtunën do të startojë java e 33-të e Abissnet Superiore. Në program sipas kalendarit të Departametit të Garave dy takimet e orës 18:00.

Skënderbeu- Erzeni dhe Dinamo Siti -Laçi të destinuara të luajnë fatet e tyre në Korçë dhe në “Elbasan Arena”. Korçarët janë në kërkim të zonës Final 4′ ndërsa rivali i tyre Erzeni me shansin e fundit për të gjetur shpëtimin e sezonit.

Ndërkohë Dinamo do të presë Laçin në Elbasan. Kjo sfidë i ngjan një finaljeje tjetër pasi si blutë ashtu dhe bardhezinjtë e kanë të ndaluar të humbin. Skuadra e Mehmetit ka 46 pikë po aq sa Tirana të cilat duelojnë në distancë për zonën play off (Final Four), ndërsa kurbinasit për të ruajtur pozicionin e kërcënuar në tabelë nga skuadrat poshtë.

Sakaq të dielën dy ndeshje në orën 15:00 dhe derbi i madh i kryeqytetit Tirana- Partizani parashikuar për në orën 19:00.

Java e 33-të:

E shtunë:

18:00

Skënderbeu- Erzeni

Dinamo Siti -Laçi

Të dielën:

Egnaatia- Vllaznia 15:00

Kukësi- Teuta 15:00

Tirana- Partizani 19:00 (në ‘Air Albania’)