Infantino: Faza në grupe më e mira në histori
Xhani Infantino, kreu i FIFA-s është shfaqur çdo mbrëmje në impnatet e futbollit në katar duke ndjekur sfidat e këtij botërori. Ndërkohë kanë ardhur deklaratat e para të tij për fazën e grupeve të Kupës së Botës në Katar.
“I ndoqa të gjitha ndeshjet dhe mund të them shumë qartë se kjo ishte faza më e mirë në grupe e një Kupe Bote ndonjëherë. Kjo, për mua, është shumë premtuese për pjesën tjetër të kompeticionit. Dhe audienca ishte gjithashtu e pabesueshme, me një mesatare prej 51,000 spektatorësh për ndeshje. Shifra rekord u regjistruan edhe në TV, me mbi dy miliardë spektatorë”.
Për konkurrencën e turneut, më pas, Infantino shpjegoi: “Nuk ka më skuadra të vogla dhe skuadra të mëdha. Niveli është shumë i ngjashëm dhe për herë të parë në histori ekipe nga të gjitha kontinentet janë kualifikuar në fazën eliminatore. Kjo dëshmon se futbolli po bëhet vërtet një sport global”
